老公班兄弟 .
都唔知講左几多年話一齊去旅行
我記得未結婚前聽過佢地話去台灣架 .
不過 .. 係咁多年後 . 終於比佢地講到成行啦
但就係變左澳門囉 .. 哈哈
夾好日子後 , 一行八人出發 !!!
晨早喺中環信德蘭芳園食完早餐後就搭十點船過大海 ~
由於地道澳門人朋水臨時有事唔去得 ,
結果班男人就要係船上商討行程 ,
大致決定第一日去氹仔同官也街
夜晚過澳門新萄京食自助山
第二日就去大三巴
行程都几遊閒咁
一個鐘就到澳門碼頭 , 跟住係碼頭就轉免費車去啱啱新開嘅Galaxy行下
係外面睇都好宏偉 , 起到成個皇宮咁 ~
Galaxy個賭場逗留半個鐘左右 ,
我地就步行去官也街 ~~
個程真係話遠唔遠話近又唔近
如果有時間 . 我建議大家係酒店到等 free bus 過去 ..
官也街 ... 又係手信街 ...大家都應該去過啦 ..
我就太耐無去lu .. 原來而家入口兩邊已經即刻見到棟專賣手信既鋪頭
本來想試誠昌蟹粥 , 但 ...............
真係太多人起碼要等半個鐘 , 同埋我地六點就要食 buffet
所以 ... 唔可以太遲食 Lunch ... 咁大家最後決定 ... 掃街 ...
豬扒包 .. 當然要食啦 ..
跟住有小小唔夠喉 .. 行行下見到 ...波霸大魚蛋 ..
哈哈 ... 比個名吸引 ..
試一試都ok既 .. 哈哈
食飽飽之後 ... 我地就去威尼斯人行下
一入門口 .. 已經好金好金 ...
跟住 ... 同朋友仔入賭場八掛下
賭場入面真係超多人呀 ,
咁賭錢的朋友 .就去賭錢啦 ... 我同老公唔賭旳 ..
就上二樓行下 ..
係連接賭廳同二樓步行街既電梯到 ...
天幕既壁畫據聞係手繪 , 真係巧奪天工 !!!
上到二樓 周圍行 ...
步行街既設計好似傍晚既景色 .. 可以好悠咁行街 .. 正
大家參觀完d到後 .. 就去下一場啦 ....
皇家金堡酒店
今次我地就係住d間酒店
間酒店係由住澳門的朋友仔介紹
因為貪佢夠新又夠近新葡京喎
不過唔知澳門係咪間間酒店都會有賭場既呢 ?
連d間好似細細間的都有賭場
咁因為一行八人 ...total 訂左四間房
但就有間仲未 ready .. 所以唯有我同老公去賭場行下
一陣再上房啦 ..
上到房 ... 嘩 ... 真係嚇左一跳呀 ..
因為
我地應該只係訂左普通房 ,
但酒店應該 Upgarde 左做商務房 ,
有廳同房 , 而且仲好大 !!!
真係超正呀 !!! 哈哈
放底曬d野之後就出發去食野
新葡京 - 自助山
未到六點 ... 已經好多人係到排隊 ...
訂左枱的 . 都係要排 .. 但就排條短d的
六點就入得 ... 開餐啦
食物種類真係有好多
應該總有一款會岩你呀 ~~~
飲飽食飽後 ... 都只係八點几 ...
所以我地就出發去附近既賭場到觀光 ... 哈哈
一入到永利賭場時 ... 見到好多人係到等 ..
等咩呢 ?
原來係門口有表演睇 ...
夠鐘就開始啦 ...
十二生肖天幕會打開
跟住下面又會打開 , 升左棵搖錢樹上黎 ...
跟住人人都係咁掉錢落去 ...
我就係到諗 ... 其實佢係大家心的願望樹呀 ? 定係永利娛樂晚收錢樹呢 ??
哈哈 ... 不過咩樹都唔緊要啦 ..
最緊要掉錢個個又開心 .. 收錢個個又開心 ..
咁就 win win 啦 ... 哈哈
跟住玩玩下已經好累 ... 所以就回酒店休息啦
**************************
Love & Thanks
詩詩 : tansilvia@hotmail.com
沒有留言:
張貼留言